Forum Tunisien de Discussions Libres et Constructives
AccueilGalerieFAQS'enregistrerConnexion

Partagez | 
 

 ....kol youm tadwina .....

Voir le sujet précédent Voir le sujet suivant Aller en bas 
AuteurMessage
wild_bled
Homo Habilis
Homo Habilis
avatar

Masculin Nombre de messages : 305
Localisation : SfaX
Date d'inscription : 03/07/2007

MessageSujet: ....kol youm tadwina .....   19/10/2007, 14:57

كف و كعبة غريبة




وقتاش تحس روحك عالم ثالث؟

انت تعرف روحك عالم ثالث و ديما تقارن في روحك بالامم المتقدمة

كيف تفد من شدان الصف في القباضة وتمس الشاوش بخمسة دينارات بش يمشيلك اومورك، تعرف الي تصرفك متع عالم ثالث

تشيخ كيف تشعل سيقارو في الترينو اما تعرف الي انت كان جيت غادي ما تعملهاش.

كيف تكمل كسكروتك و ما تلقاش بوبال قريبة، تطيش الكاغت في الشارع و انت تسب في التخلف متاعك الى ما عملكش بلاصة للغرض

كيف تتكا في البيرو ماذا بيك ما يقلقك حد و ما تعملش حاجة ما طلبهاش منك عرفك و بالطبيعة هو المسؤول على الى تعمل فيه.

عرف عرفك مسؤول على عرفك وعرفو مسؤول عليه و في النهاية فم واحد مسؤول عالكل و انت تحلف الي كان جينا كيفهم ما نكونوش هكا

ساعات كيف تعمل ضربات فيس، تشري كرهبة بالكريدي وبورتابل اخر صيحة

تنسى روحك شوية وتقول هاني قريب نخلط

اما وقتاش تحس روحك عالم ثالث؟

وقتلي تصب عليك شوية مطر تخليك تعوم في النجاسة

و تلوج ما تلقاش شكون بلك

تحس و يضهرلك تعرف منين جات مشكلتك اما ترى فيهم برشة وكل واحد يرمي في الكورة للاخر

اماانت خاطيك،حتى هوما ما عداولكش باس

عرفت توة منين جات مشكلتك؟

لا، عرفتك

تاخوش كعبة غريبة تحلي بيها؟

تغصص الغريبة هه؟

هكاكة انا توة اما من غير غريبة


http://kibitz.blogs.psychologies.com/kibitz/2007/10/post-3.html
Revenir en haut Aller en bas
Voir le profil de l'utilisateur
wild_bled
Homo Habilis
Homo Habilis
avatar

Masculin Nombre de messages : 305
Localisation : SfaX
Date d'inscription : 03/07/2007

MessageSujet: Re: ....kol youm tadwina .....   21/10/2007, 21:24

19 أكتوبر, 2007







لا تسبّوا البلاد .....!!
فما ذنب الشجر؟
ما الذي فعله بنا .......
هذا الممرّ.........
غاية المرج المجاور للجبل؟
أىّ ذنب اقترف؟
لا تسبّوا البلاد.......!!
فما ذنب الطريق الوعر؟
ما ذنب الحجر؟
أىّ خدش أحدثت في الروح رائحة التراب؟
كيف يمكن للسماء أن تكون عدوتنا اللدود؟
كيف تصبح زرقة البحر لعنتنا الجديدة؟
كيف يمكن أن نكون......
دونما هذا الــــــــــــــــــــــــــــــــــــوطن؟
لا تسبّوا البلاد.........!!
فما لنا بلد سواه.......
وما لنا شيء أهمّ
Revenir en haut Aller en bas
Voir le profil de l'utilisateur
wild_bled
Homo Habilis
Homo Habilis
avatar

Masculin Nombre de messages : 305
Localisation : SfaX
Date d'inscription : 03/07/2007

MessageSujet: Re: ....kol youm tadwina .....   25/10/2007, 20:53

jeudi 25 octobre 2007


Il était une fois رأس الشهر





قعد فوق بيروه, خزر للأوراق مكدسة و داخلة بعضها...شيء يعيّف... جمعة كاملة ما مسّ شيء و موش باش يمس شيء... خلي عرفو يخرنن عليه , هو من ربي عابدو و مكرهو في حياتو...

في الاطرف متاع الطاولة فم كأس مسّخ فيه عقاب قهوة البارح... يقعد يتامل في الكاس و يفكر... مازال على الخواء ما فطرش ما شربش قهوة...ماعندوش حق قهوة...ملا عيشة ,ملا حياة ,ملا دمّار... بالله العظيم لوكان يلقى كيفاش الا ما يحرق ... يحرق للجزيرة يحكيلهم على الميزيريا الكلبة و الزهر الأحرف اللي حطو في ها الخدمة.

يجبد الاعلان متاع الجمعة اللي فاتت, يقرأ و يخمم, "ينشل حقيبتها و قلادتها و يلوذ بالفرار على دراجة نارية" " موظف يستغل ثقة مؤجره و يختلس 30 الف دينار" " يقتحمان مكتب البريد بالغاز المشل للحركة و السكاكين "...

يجبد شطر باكو ليجار من جيبو (خذاه الصباح كريدي من عند العطار), يشعّل سيقارو...
زميلو سمع صوت البريكية تلفّت وفرح و بعثلو خزرة حبلى بالمعاني...
عمل روحو ما شافوش , تعوّذ من الشيطان و خرج.

شق الباركينق , فارغ يشقشق, ما فم كان كراهب المدير و الشاف سرفيس...

وصل للباب البراني متاع الادارة و عرضو زميلو...
"صباح الخير"
"صباح الخير , هاك جاي على ساقيك ... وينهية الكرهبة؟؟"
" لا لا اليوم الطقس طيارة قلت نتمشى شوية على ساقي, منها دورة و تفرهيدة منها شوية سبور.."

"ملا حالة , الطقس ما يولّي طيارة كان في عقاب الشهر ..."

قعد يخمم فين باش يمشي , ماعندوش وجهة واضحة في مخو , يمشي للقهوة ؟؟ يمشي يتلاوح على الابناك متاع البلدية و الا فوق القازون متاع الجنينة...

*******
من غير ما يشعر يلقى روحو ماشي للبانكة... ياقف قدام الموزع...يحط الكارطة , يكتب كلمة العبور و المبلغ ...
يسمّل بسم الله...
و ينزل على البوتون...
و كيما كان يتوقع , طلعتلو تصويرة الراجل اللي يضحك عليه " نأسف لتلبية طلبكم, رصيدكم غير كافي"

يدخل للبانكة ,
"السلام عليكم "
ما يردوش عليه
"بالله توة حبيت نجبد بالكارطة ياخي ما حبتش تعطيني فلوس..."
"قداش نومرو الكونت؟" "تي هاو الصولد في الروج , ماعادش تنجم تجبد راهو "
"امون يعيش اختي, نجمش نجبد 20 دينار , و الله مغصور ..."
"ما عندي ما نعملك , اذا ما عطاتكش الكارطة معنتها راك تجاوزت البلافون متاع السحب"
"في بالي في بالي تجاوزت, اما نحب ديباناج لراس الشهر, تسبقة"
(بالصوت العالي) " قول من الصباح راك تحب آفانس , يا خويا برة شوف مع الشاف داجنس (رئيس الفرع) امور التسبقة و السلفة كلهم عند الشاف دافانس "
(و تكمل بالشوية لكنو سمعها) " شنوة الهموم الجامدة و ملا حالة مكربة على صبحة ربي"

تلفت منا و منا, يلقى الناس الكل تتفرج فيه, و خاصة من غير الشهّارة من صبابي الفلوس و ذوي الحسابات المكتنزة,
عمل روحو ما فيبالوش ...

و هز ما تبقى من كرامتو و مسح ماء الوجه المكبوب في القاعة بالبابيي موشوار, و مشى للبيرو متاع رئيس الفرع...

ة
http://el-clandestin.blogspot.com
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: ....kol youm tadwina .....   

Revenir en haut Aller en bas
 
....kol youm tadwina .....
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» relegation? accessions? rien n est sur!!

Permission de ce forum:Vous ne pouvez pas répondre aux sujets dans ce forum
Alternatif :: Culturiosités :: BlogZone-
Sauter vers: